Gjujati me armë në një aheng familjar – policia arreston të dyshuarin, gjen 26 gëzhoja në vendin e ngjarjes

09:26 | 13 Maj 2024
E.G

Policia e Kosovës ka arrestuar një person në Prishtinë pasi që i njëjti gjatë një ahengu familjar kishte gjuajtur me armë zjarri.

Sipas raportit 24 orësh, në vendin e ngjarjes janë gjetur 26 gëzhoja që dyshohet se janë të pistoletës me gas si dhe nga i dyshuari është sekuestruar një pistoletë dhe 11 fishekë, shkruan Arbresh.info.

I dyshuari pas intervistimit me vendim të prokurorit është dërguar në mbajtje.

“ARMËMBAJTJE PA LEJE Prishtinë / 12.05.2024 – 23:00. Është arrestuar i dyshuari mashkull kosovar për arsye se i njëjti gjatë një ahengu familjar kishte shtëne me armë zjarri në ajër. Në vendin e ngjarjes janë gjetur 26 gëzhoja që dyshohet se janë të pistoletës me gas si dhe nga i dyshuari është sekuestruar një pistoletë dhe 11 fishekë. I dyshuari pas intervistimit me vendim të prokurorit është dërguar në mbajtje.”, njofton policia./Arbresh.info/